राहदानी नवीकरण

राहदानी नवीकरण हुनेः (कारणहरू)

• राहदानीको म्याद सकिन 1 वर्ष भन्दा कम समय भएमा
• राहदानीको पाना सकिन लागेमा
• राहदानी हराएमा, च्यातिएमा वा नासिएमा

राहदानी नवीकरणका लागि सुरुमा तपाईले यो कागजातहरू छन भन्ने एकिन गर्नुहोसः (आवश्यक कागजातहरू)

• सक्कल राहदानी
• सक्कल नागरिकता
• हराएको अवस्थामा राहदानी हराएको भनेर स्थानीय प्रहरीमा गरिएको Police Report
• 16 वर्ष भन्दा कम उमेरका नाबालकको हकमा भने सक्कल राहदानी, नाबालक परिचयपत्र, बुवाआमाको विवाहदर्ता प्रमाणपत्र, बुवाआमाको राहदानी र नागरिकताको प्रतिलिपी

राहदानी नवीकरण प्रक्रियाः

1. हाल यस राजदूतावासबाट Direct Enrollment हुने हुँदा Online Form भर्नुपर्ने हुँदैन। राजदूतावासमा आउनु अघि फोन वा इमेलमार्फत् Appointment लिई आवश्यक कागजात लिएर आउनुपर्नेछ ।E-passport को लागि Biometrics दिनुपर्ने हुँदा 5 वर्ष भन्दा माथीका सम्पूर्ण आवेदकहरू स्वंय राजदूतावासमा अनिवार्य रूपमा नै उपस्थित हुनु पर्नेछ।

2. ल्याउनु पर्ने कागजातहरू एवं राजश्व:
   • नागरिकताको सक्कल तथा फोटोकपी
   • राहदानीको सक्कल तथा फोटोकपी
   • राहदानी हराएको हकमा स्थानीय प्रहरीमा गरिएको Police Report
   • 16 वर्ष भन्दा कम उमेरकाको हकमा बाबुआमाको नागरिकता र राहदानी तथा विवाहदर्ता

• लाग्ने समयः एक कर्यदिन।
• लाग्ने राजश्व: (लंकन रुपैयाँमा)

नयाँ राहदानी आउन लाग्ने समयः नवीकरणका लागि राजदूतावासमा आवेदन दिएपश्चात सामान्यतया करिब 2 महिना समय लाग्नेछ।

नयाँ राहदानी संकलनः

• नयाँ राहदानी आएपश्चात राहदानी लिन आउँदा अनिवार्य रूपमा आफ्नो हालको राहदानी लिई आउनु पर्नेछ।